古巨基昨日出席慈善活動的記者會，他透露將會與關心妍和廖碧兒合作演出。說及日前基仔的師弟側田於《女兒紅音樂會》上獲廖碧兒大送波餅時，基仔表示毫不知情，並笑言：「下次預埋我啦！（佢身材咁好會唔會避忌？）唱緊歌都唔會留意對方身材，況且第一次同佢兩個合作，只係想安守本分。上次《華裔小姐競選》同陳法拉一齊跳舞，出視覺效果竟然似摸到佢重要部位，所以今次都係唔好再跳舞喇！」而將會與基仔合作的關心妍，昨以一身低胸衫亮相，與同場的港姐葉翠翠爭妍鬥麗。
小春朱慧敏點到即止 此外，遲到二十五分鐘的陳小春以留鬚look出現，但他卻遺憾他的鬚生得比較稀疏，他說：「細個試過搽白蘭地心口，但一條毛都冇生到出囉！」被問到可有擔心要和朱慧敏表演火辣探戈？他反問誰是朱慧敏，當聽到「車震」事件的女主角即恍然大悟，他誓言：「咁就要點到即止喇！」
古巨基為免再惹誤會，不想與女拍檔跳舞。